თანამედროვე ტექნოლოგიების გამოყენებითა და ინოვაციური მიდგომებით შექმნილ თავის მოვლის საშუალებებს Morebeauty.ge სახლიდან გაუსვლელად მომხმარებელს უკვე მეხუთე წელია სთავაზობს. „მეტი სილამაზე, მეტი კომპლიმენტი“ – ამ იდეით კომპანიამ – “More Beauty” ყველაზე სანდო ბრენდების თავის მოვლის საშუალებები, ერთ სივრცეში მოაქცია.
More Beauty ოჯახური ბიზნესია, რომელიც დავით ვაზაგაშვილმა დააარსა.
“More Beauty ოჯახური ბიზნესია, პროდუქცია ჩვენთვის ნაცნობი იყო და ბევრ მათგანს წლების მანძილზე ვიყენებდით ოჯახსა და ახლობლების წრეში. ყველა აღნიშნავდა, რომ თავის მოვლის საშუალებები ძალიან ეფექტური და მარტივი გამოსაყენებელი იყო. რაც მთავარია, იძლეოდა მყისიერ შედეგს და თან არ ახლდა გვერდითი ეფექტები. აქედან გამომდინარე, დაგვებადა იდეა, რომ პროდუქცია, რომელსაც ჩვენ ვიყენებდით, ფართო მასებისთვის გაგვეხადა ხელმისაწვდომი,” ამბობს GEORGIA TODAY – თან More Beauty – ის დირექტორი, მარიამ ვაზაგაშვილი.
More Beauty-ის პროდუქტი მომხმარებელს საშალებას აძლევს, რომ პროფესიონალურად და სრულყოფილად მოუარონ თავს სახლის პირობებში, მარტივად და ძალიან ეფექტურად.
More Beauty აკმაყოფილებს მომხმარებელთა სურვილებს, იყვნენ ბუნებრივად ლამაზები, ჰქონდეთ ჯანმრთელი კანი და ჯანსაღი თმა, ოპერაციული ჩარევებისა თუ სხვა გავრცელებული მოკლევადიანი მანიპულაციების გარეშე.
ვთხოვეთ მარიამს, მეტი ეამბა ბრენდის შესახებ.
მოგვიყევით თქვენი სერვისებისა და პროდუქტების ხარისხის შესახებ.
ბრენდის ერთ-ერთი მთავარი მიზანია მაღალი, ევროპული ხარისხის პროდუქტისა და სერვისის სტანდარტების დანერგვა საქართველოში.
ჩვენი პროდუქცია მსოფლიოს მოწინავე ქვეყნებში იწარმოება,როგორიცაა შვეიცარია, საფრანგეთი, იტალია, სამხრეთი კორეა, სადაც სილამაზის სფეროს უმაღლესი სტანდარტებია დანერგილი. პროდუქტი არ გავა სარეალიზაციოდ, თუ არ ჩატარდება სრული კვლევა და არ დადგინდება მისი რეალური შესაძლებლობები. ვარჩევთ მხოლოდ საუკეთესოს საუკეთესოთა შორის.
ჩვენი პროდუქტების ასორტიმენტი ყოველთვიურად იზრდება, გარდა პროფესიონალური თმისა და კანის მოვლის პროდუქტებისა, გვაქვს IPL ეპილაციის აპარატი, რომელიც არასასურველ თმას მარტივად, ეფექტურად და უსაფრთხოდ ამცირებს, რაც ჩვენი ყველაზე პოპულარული პროდუქტია და მალე მსოფლიოში საუკეთესო, უახლესი მოდელი ჩაეშვება გაყიდვაში, რომელსაც არ გააჩნია ანალოგი. ასევე დაგვემატა ფრანგული სუნამოების საოცარი, ლიმიტირებული კოლექცია “Geparlys” როგორც ქალბატონებისთვის, ასევე მამაკაცებისთვის. ყველა პროდუქტის ნახვა შეგიძლიათ ჩვენს ვებ გვერდზე www.morebeauty.ge
რა არის ის, სტანდარტი, რომელიც განსაკუთრებულ სანდოობას გძენთ?
პირველ რიგში, ეს არის ეფექტური, მაღალის ხარისხის პროდუქტი, თუმცა, წარმატებული ბიზნესი მარტო პროდუქცია არ არის. აუცილებელია, გამართული სერვისი, მომხმარებლებთან სწორი და გულწრფელი კომუნიკაცია. გულით გვინდოდა, რომ ადამიანებს ბედნიერება მიეღოთ ჩვენგან და მათ მიერ გადახდილი ყოველი ლარი გამართლებული ყოფილიყო. თითოეული ჩვენგანი, საქმეს სიყვარულითა და დიდი პასუხისმგებლობით უდგება, რაც შორიდანაც კი იგრძნობა და ამას ხშირად აღნიშნავენ.
საქართველოში მომხმარებელი ძალიან აზრიანია და სწორი დასკვნების გაკეთება შეუძლია. ამყველაფერმა განაპირობა ჩვენი წარმატება და ნდობა, რომელსაც ძალიან ვუფრთხილდებით.
“More Beauty”-ის შოურუმსა და ვებ-გვერდზე წარმოდგენილი პროდუქტი გათვლილია ყველა ასაკის ადამიანზე – თინეიჯერებიდან დაწყებული, ასაკოვანი ადამიანებით დამთავრებული. ბრენდი მომხმარებელს პირად, უფასო კონსულტაციას უწევს და მისი კანისა და თმისთვის შესაფერის პროდუქტს ურჩევს. “ჩვენს შოურუმში (აკ. წერეთლის 118, ექსპო ჯორჯიას მე-9 პავილიონი) მომხმარებლებს საშუალება აქვთ, გაეცნონ პროდუქციას, გასინჯონ და თავად დარწმუნდნენ მის სანდოობასა და უმაღლეს ხარისხში,” აღნიშნავს მარიამი.
როგორია კომპანიის ურთიერთობა მომხმარებლებთან?
თამამად ვიტყვი, რომ გვაქვს სწორი და მჭიდრო კომუნიკაცია თითოეულ მომხმარებელთან. დახვეწილი, გამართული სერვისი და ყურადღებიანი მიდგომა, რაც გულისხმობს პერსონალურ კონსულტაციას შეძენამდე, ერთგული მომხმარებლების განებივრებას საჩუქრებით, გათამაშებებით, მხიარული აქტივობებითა და ღონისძიებებით. ეს ყველაფერი კიდევ უფრომეტად გვაახლოებს მომხმარებელთან.
როგორ ფიქრობთ, რამ განსაზღვრა თქვენი წარმატება?
წარმატების საუკეთესო ინდიკატორი კმაყოფილი მომხმარებლების მზარდი რაოდენობაა და ამას ბევრი ფაქტორი განსაზღვრავს. მთავარია, სიყვარულითა და ენთუზიაზმით აკეთებდე საქმეს და ბოლომდე გჯეროდეს შენი თავისა და იმ იდეის, რომელსაც ემსახურები. იდეა, რასაც ქართველ მომხმარებელს გამოჩენის დღიდან შევპირდით, იყო და არის საუკეთესო პროდუქტი, მომსახურების მაღალი სტანდარტი და რაც მთავარია, მისაღები ფასები. ჩვენ ძალიან ვამაყობთ, რომ დანაპირებს ვასრულებთ.
ასევე მიმაჩნია, რომ ერთ-ერთი ყველაზე მნიშვნელოვანი კომპონენტი წარმატების მისაღწევად სწორი გუნდის, სწორი ადამიანების შერჩევაა, რომლებსაც საერთო ხედვა და მიზანი გააერთიანებთ. სამუშაო გარემო განსაკუთრებულია იქ, სადაც გუნდური სულისკვეთება, სიძლიერე და ერთმანეთისადმი პატივისცემა იგრძნობა.
