თანამედროვე და კლასიკური ავეჯის სახლი „ნიტა“ 2017 წლის 12 აპრილს გაიხსნა ქალაქ ქუთაისში. ავეჯის სახლი მომხმარებელს კომფორტულ და ვიზუალურად მიმზიდველ პროდუქტს სთავაზობს. ნიტას სახლში წარმოდგენილი პროდუქციის ელეგანტური დიზაინი მარტივად ერწყმის თანამედროვე ფორმებს და გამოირჩევა უნიკალური სილუეტით. სწორედ კლასიკური ელემენტებისა და ლაქშერის ესთეტიკის ერთიანობა ხდის ნიტას ავეჯს გამორჩეულსა და დასამახსოვრებელს.
მას შემდეგ, რაც ავეჯის სახლის დამფუძნებელმა, კახაბერ ლევიძემ, რომელიც ავეჯის ბიზნესში უკვე 24 წელია მოღვაწეობს და მისმა მეუღლე, მირანდა ხეცურიანმა გააფორმეს ხელშეკრულება თურქეთის ერთ-ერთ უმსხვილეს კომპანია Weltew Home – თან, ნიტას ფილიალი თბილისშიც გაიხსნა. ახლა უკვე, მათ, ერთობლივად შემოაქვთ საქართველოში მაღალი ხარისხის ექსკლუზიური პროდუქცია. Weltew Home მსოფლიოს დაახლოებით 65 ქვეყანასთან თანამშრომლობს, ისეთ დიდ ქვეყნებთან, როგორებიცაა ინგლისი, გერმანია, საფრანგეთი, ამერიკა, საქართველოში კი მასზე ექსკლუზივი ავეჯის სახლ ნიტას აქვს.
ამავდროულად, ნიტას სახლს, ქართულ ბაზარზე შემოყვანილი ჰყავს 5 კომპანია. 2021 წლის თებერვალში ნიტამ ქუთაისში გახსნა მესამე ფილიალი კლასიკური ხაზით, სადაც წარმოდგენილია მაღალი ხარისხის ეგვიპტური წარმოების მასიურ ხეზე დამზადებული ავეჯი და თურქული წარმოების კლასიკური პროდუქცია.
ინტერიერისა და დიზაინის სიყვარულმა, კომპანიის დირექტორ მირანდა ხეცურიანს პროფესია შეაცვლევინა. იგი ფარმაცეფტია და წლების განმავლობაში მუშაობდა ამ სფეროში. მირანდამ აღნიშნა, რომ როდესაც მეუღლემ ქუთაისში ნიტას დიდი ფილიალი გახსნა, მაშინ პიარის, დიზაინისა და რეკლამის კუთხით ეხმარებოდა მეუღლეს. “2018 წელს, როდესაც ძალიან მსხვილ კომპანიასთან გავაფორმეთ ხელშეკრულება, მაშინ უკვე მივხვდი, რომ მარტო ჩემი მეუღლე ამ ყველაფერს ვერ გაუმკლავდებოდა და ჩემი გვერდში დგომა იყო საჭირო, ორი ძალიან დიდი საპასუხისმგებლო საქმიანობის შეთავსება კი ძალიან რთულია აღმოჩნდა, მაგრამ ჩემთვის ფარმაცია მაინც უსაყვარლეს პროფესიად რჩება”, ამბობს მირანდა.
იმისათვის, რომ ნიტას სახლზე მეტი შეგვეტყო, “ჯორჯია თუდეი” მირანდა ხეცურიანს ესაუბრა.
რისი შეძენა შეუძლია მომხმარებელს ნიტას სახლში?
ნიტას სახლში მომხმარებელს შეუძლია აბსოლუტურად ყველა იმ ნითის და პროდუქციის შეძენა, რაც მის გარემოს აქცევს კომფორტულ, მყუდრო და ჰარმონიულ სივრცედ. ავეჯის სახლი ნიტა მრავალფეროვან არჩევანს სთავაზობს მომხმარებელს, მისაღები ოთახის ავეჯი, მაგიდა-სკამი, საძინებელი, რბილი ავეჯი და სხვა ყველა ის ნივთი, რაც სასურველია ინტერიერის გაფორმებისათვის და სახლს კომფორტულსა და ჰარმონიულს გახდის. ავეჯთან ერთად, ჩვენ, ასევე გვაქვს ორთოპედიული ლეიბის ხაზიც, რომელიც სამარკო ნიშნით შემოგვაქვს ექსკლუზიურად. ასევე ვგეგმავთ, იტალიური პროდუქციის შემოტანას, რომელიც ძალიან მსხვილი და სერიოზული კომპანიაა და ეს იქნება ექსკლუზივი ჩვენი სახლისთვის. დღესდღეობით, ნიტას ქართულ ბაზარზე ჰყავს ხუთი უმაღლესი დონის კომპანია შემოყვანილი. ამ ეტაპზე, ნიტას სახლში განთავსებულია თურქული და ეგვიპტური პროდუქცია. ეგვიპტური პროდუქცია არის მხოლოდ კლასიკურ ვინტაჟში, მასიურ ხეზე დამზადებული, რომელიც წლების განმავლობაში ინარჩუნებს სილამაზეს, კასიკური პროდუქცია არასდროს გადადის მოდიდან, მას თავისი ნიშა და შარმი სულ აქვს, უბრალოდ, ეს არის სპეციფიური პროდუქცია, რომელსაც სჭირდება აუცილებლად სპეციფიური მომხმარებელი.
როგორ არჩევთ მაღაზიაში განთავსებულ ავეჯს?
სტამბულში, ყოველ წელს, იმართება ძალიან დიდი გამოფენა, სადაც იღებს ყველა ეს მსხვილი კომპანია მონაწილეობას. მე და ჩემი მეუღლე ყოველ წელს დავდივართ ამ გამოფენაზე. ჩავდივართ ჩვენს პარტნიორ კომპანიებთან, თუმცა, პანდემიის გამო, ეს ბოლო ორი წელი გამოფენა არ ჩატარებულა, მაგრამ ფაბრიკებმა მაინც შექმნეს ახალი მოდელები. ჩვენ კი შევძელით, ჩავედით და მათ შოურუმებში განთავსებული უახლესი მოდელები შევარჩიეთ. მიუხედავად პანდემიისა, ჩვენ მაინც მოვახერხეთ და მომხმარებელს შევთავაზეთ ამ ორი წლის სიახლე.
როგორია თქვენი პროდუქციის ხარისხი და ფასი რამდენად ხელმისაწვდომია მომხმარებლისთვის?
როდესაც მომხმარებელი ჩვენთან შემოდის, მას ხარისხთან ერთად, უპირველესად, აინტერესებს, რადენად ხელმისაწვდომია პროდუქცია. მინდა აღვნიშნო, რომ ჩვენ ფასით ნამდვილად გამოვირჩევით. იქიდან გამომდინარე, რომ პირველი ფილიალი ქუთაისში გაიხსნა, ჩვენ აცდენას ვერ გავაკეთებთ ქუთაისისა და თბილისის ფილიალებს შორის. ჩვენს მომხმარებელს ვთავაზობთ ხელმისაწვდომ ფასებს. ნიტას პროდუქცია აკმაყოფილებს ძალიან მაღალი ხარისხის სტანდარტს და ჩვენთან ხარისხი ფასზე მეტია. რაც შეეხება პროდუქციას, გვაქვს ძალიან თანამედროვე მოდელები, ლაქშერის სტილის ავეჯი კლასიკური ელემენტებით. აღსანიშნავია, რომ გვაქვს მომსახურების ძალიან მაღალი სტანდარტი. ჩვენთვის მომხმარებელი ძალიან ძვირფასია. როდესაც ადამიანი ნიტას კარს შემოაღებს, ის უკვე ძალიან ფასეული ხდება ჩვენთვის. არ აქვს მნიშვნელობა, შეიძენს იგი რაიმეს თუ არა, მას ჩვენ უნდა მივაწოდოთ ინფორმაცია სრულად და როგორც მომხმარებლები ხშირად გვეუბნებიან, მუდამ კმაყოფილები არიან ჩვენით. მომხმარებელზე ზრუნვა პირადად ჩემი მოთხოვნაა, პირველ რიგში იმიტომ, რომ ის მომხმარებელი არის ადამიანი და ჯერ უნდა იყოს ადამიანური მიდგომა და ურთიერთობა, ასევე მომხმარებელი არის ჩემი სტუმარი, რაც უკვე საპატივცემულოა.
ფასდაკლებებს თუ სთავაზობთ მომხმარებლებს?
ფასდაკლებები ჩვენ ხშირად გვაქვს, ყველა სეზონზე, ახლა, მალე დავიწყებთ ძალიან კარგ აქციებს, რაც გულისხმობს იმას, რომ გვექნება ფასდაკლება საჩუქართან ერთად. ეს გულისხმობს ავეჯის აქსესუარს, ეს იქნება ჟურნალის მაგიდა , პუფი, სკამი სავარძელი, ის ნივთები, რაც სახლის ერთ კუთხეს გაულამაზებს მომხმარებელს.
პანდემიამ როგორი გავლენა იქონია თქვენს ბიზნესზე?
პანდემიამ ჩვენზე ცუდად იმოქმედა, მაგრამ დიდი შრომისა და ბრძოლის შედეგად, შევინარჩუნეთ სამივე ფილიალი. პანდემიის დროს, როდესაც დაკეტილები ვიყავით, გაიხსნა კლასიკრური ნიტას ფილიალი, ეს მოვახერხეთ და გამოგვივიდა. დიდი ბრძოლის შედეგად გადავარჩინეთ ჩვენი ფილიალები. პანდემიის დროსაც, მომხმარებელს ვთავაზობდით მაღალ სერვისს და რაც მთავარია, მიწოდების სერვისი გვაქვს უფასო, საქართველოს ნებისმიერ ადგილას და პანდმიის დროს, განსაკუთრებით ვუფრთხილდებოდით ამ დეტალს. შევინარჩუნეთ ფასდაკლებების სრული ის სერვისი, რაც გვქონდა პანდემიამდე, ონლაინ დავიწყეთ გაყიდვა და აღსანიშნავია, რომ განსაკუთრებით ემიგრანტები აქტიურობდნენ. ავეჯის ონლაინ რეალიზება იყო უდიდესი პასუხისმგებლობა ჩვენთვის. ძალიან დიდი მადლობებიც მივიღეთ, რადგან ვასრულებდით მათ მოლოდინს. მომხმარებლები ძალიან კმაყოფილები დარჩნენ.
პადნემიის გამო შევაჩერეთ ბათუმში ფილიალის გახსნა, თუმცა, სამომავლოდ, აუცილებლად განვახორციელებთ ამ გეგმას. ვაპირებთ, ბათუმის ფილიალში განვათავსოთ ბერვი კომპანიის პროდუქცია. თბილისის ფილიალში წარმოდგენილია მხოლოდ ჩვენი პარტნიორის ექსკლუზიური პროდუქცია. ქუთაისის პირველ ფილიალში, რომელიც 2017 წელს დაარსდა, ხუთი კომპანიაა განთავსებული, კასიკურ ფილიალში მხოლოდ ორი. ბათუმის ფილიალში ვგეგმავთ, რომ ხუთივე კომპანია იყოს წარმოდგენილი.
გვიამბეთ თქვენი სამომავლო გეგმების შესახებ?
ჩემს დიდი სამომავლ გეგმებიში შედის საქართველოში ნიტას ფაბრიკის დაარსება, სადაც მოხდება მაღალი დონისა და ხარისხის პროდუქციის წარმოება. დამზადდება ყველა ის პროდუქცია, რომელიც აუცილებელია კომფორტული გარემოსთვის. ფაბრიკა მინდა იყოს თბილისში, ეს მოხდება ერთ-ერთი პარტნიორი კომპანიის დახმარებით, რადგან საწარმოსთვის განკუთვნილი დანადგარების შემოტანა უნდა განხორციელდეს მათი მეშვეობით. ასევე გვინდა, ჩვენი ხაზის გარდა, მომხმარებლის მიერ შერჩეული დიზაინით შევქმნათ პროდუქცია. ამ ეტაპზე, ყოველივე ამის განხორციელება რთულია, მაგრამ დალაგდება სიტუაცია და შემდეგ დავიწყებთ ამ ყველაფერზე ზრუნვას. მე და ჩემი მეუღლე ვცდილობთ, რომ ფასები ადგილობრივი მომხმარებლისთვის იყოს ხელმისაწვდომი.
ავეჯის სახლის მაღაზიის სახელი ნიტა, მირანდა ხეცურიანის შვილიშვილის დაბადებას უკავშირდება, “ავეჯის სახლი ატარებს ჩემი შვილიშვილის სახელს. იმ პერიოდში, ნიტა ახალი დაბადებული იყო და ეიფორიაში ვიყავით, სახელიც ასე შევარჩიეთ. როგორც ჩემს შვილიშვილს ვუფრთხილდები, ასევე ვზრუნავ მასზეც. ნიტა და მე ვართ უკვე ერთი არსება, ვერ წარმომიდგენია ნიტას გარეშე ყოფნა”, აღნიშნავს მირანდა.
