ბრენდის ისტორია
გიფიქრიათ ზღაპრის მოსმენისას, პერსონაჟების წარმოდგენის ნაცვლად, რა მოხდებოდა, ბავშვს მათთან შეხება რომ შესძლებოდა? ცხოველები, შორეული პლანეტები, თუ სხვა, საყვარელი გმირები, მის წინ რომ იყრიდნენ თავს და თავგადასავლებით სავსე ისტორიებს მოუთხრობდნენ.
“ვეპის” დაბადება ორი მეგობრის სურვილს უკავშირდება, რომ შეექმნათ სათამაშო, რომელიც ახალი თაობისთვის ცოდნის მიღების საუკეთესო საშუალება გახდებოდა, ხელს შეუწყობდა საბაზისო უნარების გამომუშავებასა და თვალსაწიერის გამდიდრებას, როგორც ქართულ, ასევე მსოფლიო კულტურაზე. რაც მთავარია, ეს პროცესი უნდა ყოფილიყო სახალისო, უსაფრთხო, ონოვაციური, კოლექტიური და შემეცნებითი.
ინსპირაცია და იდეა “ვეპის” შემქმნელებს საფრანგეთში დაებადათ. იქ ცხოვრებისა და სწავლის პერიოდში, ისინი აქტიურად აკვირდებოდნენ ფრანგი ბავშვების ყოველდღიურობას და აღმოაჩინეს, თუ რაოდენ ბევრი ფრანგული წარმოების, ეროვნული კულტურისა და ისტორიის მატარებელი სათამაშო იყო მათ ცხოვრებაში. ამ დაკვირვების შედეგად მიხვდნენ, რომ ქართველ და ფრანგ ბავშვებს ერთნაირი მოთხოვნილება და საჭიროება აქვთ, თუმცა, მათი სათამაშოები შინაარსობრივად და ფუნქციურად განსხვავდება.
როგორც “ვეპის” შემქმნელები აღნიშნავენ, იდეიდან სათამაშომდე ჩამოყალიბების რთული, კომპლექსური, მაგრამ ამავე დროს საინტერესო გზა, გუნდის თითოეული წევრისთვის ახალი გამოწვევა და დიდი თავგადასავალი აღმოჩნდა. ერთის მხრივ, ეს არის დიდი პასუხისმგებლობა, მეორეს მხრივ კი შესაძლებლობა, რაც შეიძლება დიდი დრო გაატარონ, ყველაზე ჯადოსნურ – ბავშვების სამყაროში, მათთვის ოცნების სათამაშოს შესაქმნელად.
პროდუქცია
”ვეპის” მთავარ მიმართულებას წარმოადგენს სხვადასხვა კონცეფციისა და დატვირთვის სერიული ხის სათამაშოები. საწყის ეტაპზე, კომპანიამ უკვე დაიწყო პირველი სერიის – ვაჟა-ფშაველას “შვლის ნუკრის ნაამბობის” გაყიდვა, რომლისთვისაც ერთ-ერთ წარმატებულ მხატვარ-ილუსტრატორთან თანამშრომლობით სპეციალურად შეიქმნა ილუსტრაციები, ხოლო უცხო ენოვანი მომხმარებლებისთვის კონკრეტული სერიის ინგლისურენოვანი ვერსია. მნიშვნელოვანია, რომ სათამაშოს კონცეფცია ბავშვებს საშუალებას აძლევს, გაყვნენ არა მხოლოდ კონკრეტული ზღაპრის შინაარსობრივ ხაზს, არამედ, თავადაც შექმნან ახალი და მათთვის სასურველი სიუჟეტი. ზღაპრის სერიის შეძენა შესაძლებელია “ვეპის” ონლაინ პლატფორმებზე და იმ სხვადასხვა ღონისძიებაზე, თემატურ ბაზრობებზე, street fair-ზე და პარკებში გამართულ გამოფენა-გაყიდვებზე, რომლებზეც ხშირად გამოჩნდებიან ხოლმე. კომპანიის პროდუქცია ასევე ძალიან მალე ხელმისაწვდომი იქნება სხვადასხვა ონლაინ პლატფორმაზე, მათ შორის extra.ge-ზე, ასე რომ ადევნეთ “ვეპის” გვერდს თვალი და არ გამოგრჩეთ სიახლეები.
სათამაშოს წარმოებისა და რეალიზაციის თითოეულ ეტაპზე, მუდმივად ჩართულია ბავშვთა ფსიქოლოგი, რომლის შეფასება/რეკომენდაცია თითოეულ სათამაშოს, მისი შიგთავსის შესაბამისად, თანდართული აქვს. ეს პატარა, მაგრამ მნიშვნელოვანი დეტალი, მშობელს დაეხმარება უკეთ გაეცნოს ბავშვში საჭირო უნარ-ჩვევების გამომუშავების გზებსა და ამ პროცესში „ვეპის“ როლს.
აღსანიშნავია, რომ “ვეპის” სათამაშოებით გართობისას, ერთად გატარებული დრო აახლოვებს მშობელსა და ბავშვს, რადგან ფუნქციურად, ოჯახის ყველა წევრი ჩართულია თამაშის პროცესში, ეს კი მათ შესაძლებლობას აძლევს, უფრო მეტი დრო გაატარონ ერთად.
კომპანიის უკან, არაერთი პროფესიონალი ადამიანის შრომა და ძალისხმევაა. მათ სრულიად გააზრებული აქვთ თავიანთი როლი და სოციალური პასუხისმგებლობა ქვეყნისა და მსოფლიოს წინაშე. ამიტომ, აპირებენ, ხშირად ჩაერთონ სხვადასხვა საქველმოქმედო ღონისძიებებში თუ სხვა კომპანიებთან კოლაბორაციებში. “ვეპის” წარმომადგენლები აღნიშნავენ, რომ არ შეეძლოთ, არ გამოხმაურებოდნენ უკრაინაში მიმდინარე მსოფლიო ტრაგედიას და წვლილი არ შეეტანათ უკრაინელ ბავშვებზე ზრუნვაში. სწორედ ამიტომ, პროექტის ფარგლებში “საქართველოს წითელი ჯვრის საზოგადოებასთან” თანამშრომლობით, თითოეული გაყიდული პროდუქციიდან ღირებულების 10% გადაირიცხება უკრაინელი ხალხის დასახმარებლად შექმნილ საქველმოქმედო ანგარიშზე.
ეს მხოლოდ დასაწყისია, წინ დიდი გეგმები აქვთ. “ვეპი” ახლა სააღდგომო თემატიკის სათამაშოზე მუშაობს, რომლის შეძენას მომხმარებელი ძალიან მალე შეძლებს. სამომავლოდ კი სურთ, რაც შეიძლება მრავალფეროვანი, მრავალფუნქციური და სასარგებლო სათამაშო და პროდუქტი შესთავაზონ პატარა მეგობრებს, მაგრამ მთავარი მიზანია, არამხოლოდ ბავშვებისთვის, არამედ მშობლებისთვისაც “ვეპი”გახდეს ის საყვარელი ბრენდი, რომლის საშუალებითაც შესაძლებელია გამოხატო უანგარო სიყვარული შვილების მიმართ, მიიღო უფრო მეტი სასარგებლო და საჭირო ინფორმაცია და კიდევ უფრო გააღრმავო ის ურთიერთობა, რომელზე მნიშვნელოვანიც არაფერია.
მეტი ინფორმაციისთვის ეწვიეთ ფეისბუქ გვერდს
