2021 წლის დასაწყისში „ველოქს ედუქეიშენმა“ შეიძინა „თბილისის ღია უნივერსიტეტი“ და საფუძველი ჩაეყარა ახალი საგანმანათლებლო დაწესებულების, „ალტე უნივერსიტეტის“ მშენებლობის პროცესს. უნივერსიტეტის პრეზიდენტი რამაზ კუკულაძეა, რომელიც 25 წელზე მეტია ქართული ფინანსური სექტორის მოწინავე წარმომადგენელია. სწორედ მისი და „ველოქს ედუქეიშენის“ ერთობლივი ძალისხმევით დაიწყო ქართულ საგანმანათლებლო სივრცეში ნოვატორული მიდგომების დასანერგად და კონკურენტუნარიანი პროფესიონალების აღსაზრდელად, ახალმა უმაღლესმა სასწავლებელმა ოპერირება.
“ალტე უნივერსიტეტი” საერთაშორისო მასშტაბის პოტენციალის მქონე ახალი საგანმანათლებლო ბრენდია. “საქართველოს შეუძლია გახდეს განათლების ჰაბი რეგიონში და მოახდინოს კონკურენტუნარიანი კადრების დიდი პოტენციალის მობილიზება.“ –აღნიშნავს რამაზ კუკულაძე, „ალტე უნივერსიტეტის“ პრეზიდენტი.
“ალტე უნივერსიტეტის” რებრენდინგზე იტალიურმა სააგენტომ – DINN! იმუშავა და სწორედ მან შექმნა ახალი ქართული ბრენდი საგანმანათლებლო სივრცეში. “შინაარსისთვის განსაკუთრებული მნიშვნელობის მინიჭება – სწორედ ეს მიდგომა დავინახეთ იმ ადამიანებში, რომლებიც ჩვენთან ერთად, უნივერსიტეტის მხრიდან მუშაობდნენ „ალტე უნივერსიტეტის“ ბრენდის შექმნაზე. „ჩვენ გვჭირდება ისეთი კულტურული და საგანმანათლებლო ცვლილება, რომელიც გავლენას მოახდენს ქვეყნის განვითარებაზე“ – სწორედ ეს გვიპასუხეს უნივერსიტეტის მფლობელებმა, როდესაც ვკითხეთ თუ რატომ გადაწყვიტეს ინვესტიცია სწორედ აღნიშნული უნივერსიტეტის განვითარებაში ჩაედოთ და სწორედ ამიტომ, შეიქმნა ალტე უნივერსიტეტი – რომელიც ქართველ და საერთაშორისო სტუდენტებთან ერთად მიისწრაფვის უმაღლესი მწვერვალისკენ,” აღნიშნავს Andrea Borsetto, DINN!-ის დამფუძნებელი.
„ალტე უნივერსიტეტი“ სრულად ავტორიზებული უმაღლესი სასწავლებელია, რომელიც 12 ქვეყნის სტუდენტს აერთიანებს 4 სკოლაში: ბიზნესის სკოლა, მედიცინის საერთაშორისო სკოლა, სამართლის სკოლა და ჰუმანიტარულ და სოციალურ მეცნიერებათა სკოლა. ამჟამად უნივერსიტეტი ახორციელებს 15-მდე აკადემიურ პროგრამას, როგორც საბაკალავრო, ასევე სამაგისტრო საფეხურებზე.
„ალტე უნივერსიტეტი“-ს იდეა განათლებასა და უმაღლესი მწვერვალისკენ სწრაფვაზე აქცენტირებიდან მოდის. თავად სიტყვა „ALTE“ ლათინურია და მწვერვალს, უმაღლეს წერტილს და მისკენ მიმავალ გზას ნიშნავს. უნივერსიტეტი სტუდენტს უმაღლესი წერტილისკენ ანუ საკუთარი თავის საუკეთესო ვერსიისკენ უბიძგებს.
სტუდენტები მულტიკულტურულ გარემოში ერთდროულად სწავლობენ შერჩეული სფეროს სპეფიციკას და პრაქტიკაში ახორციელებენ მათ იდეებს. აღსანიშნავია, რომ უნივერსიტეტის ბაზაზე ფუნქციონირებს „სტარტაპ გარაჟი“, რომელიც დაინტერესებულ პირებს იდეების განხორციელებაში ეხმარება. რაც შეეხება პარტნიორებს, „ალტე უნივერსიტეტი“ საქართველოში ყველაზე დიდი ჰოსპიტლების ქსელის „ევექსის“ სტრატეგიული პარტნიორია. ექსკლუზიური ურთიერთანამშრომლობის მემორანდუმის ფარგლებში კი ივ. ბოკერიას საუნივერსიტეტო კლინიკა უნივერსიტეტთან აფილირებული სამედიცინო დაწესებულებაა. უნივერსიტეტი ასევე მჭიდროდ თანამშრომლობს “კონფუცის ინსტიტუტთან”, რის შედეგადაც „ალტე უნივერსიტეტის“ თითოეულ სტუდენტს შესაძლებლობა აქვს ჩინური ენა სრულიად უფასოდ შეისწავლოს და მიიღონ მონაწილეობა გაცვლით პროგრამებში.
გაფორმდა ურთიერთთანამშრომლობის მემორანდუმი ინდოეთის ერთ-ერთ ყველაზე დიდ საგანმანათლებლო დაწესებულებასთან: Bharath-ის უმაღლესი განათლებისა და კვლევის ინსტიტუტთან და დამატებით აუცილებლად უნდა აღინიშნოს, რომ ალტე უნივერსიტეტი აქტიურად თანამშრომლობს ერასმუსის პროგრამებთანაც, რაც კიდევ უფრო მეტ შესაძლებლობას ქმნის ჩვენი სტუდენტებისთვის.
უნივერსიტეტის მისიაა, სტუდენტებს მისცეს სრულფასოვანი ცოდნა და ყველა საჭრო უნარი, იმისათვის, რომ შექმნან დამატებითი გრძლევადიანი ღირებულება, როგორც საკუთარი თავისთვის, ასევე იმ საზოგადოებისთვის, რომელშიც ცხოვრობენ “ალტე უნივერსიტეტის” მიზანია, იყოს ხარისხიანი განათლების მიღების ცენტრი არამარტო ქართველი, არამედ საერთაშორისო სტუდენტებისთვისაც.
უნივერსიტეტისთვის მნიშვნელოვანია, წვლილი შეიტანოს, როგორც სტუდენტების, ასევე საზოგადოების აზროვნების ფორმირების პროცესში და შექმნას მოქნილი საგანმანათლებლო სივრცე, რომელიც არამარტო სტუდენტებისთვის, არამედ კურსდამთავრებულებისთვისაც მთელი ცხოვრების მანძილზე შექმნის განვითარების უწყვეტ შესაძლებლობებს იმისათვის, რომ აქ დასახულ მიზნებს ადამიანებმა რეალურად მიაღწიონ და შექმნან დამატებითი ღირებულება იმ საზოგადოებისთვის, რომელშიც ისინი ცხოვრობენ.
“ალტე უნივერსიტეტი” ეს არის თანამედროვე, მეგობრული, სასიამოვნო გარემოს მქონე საგანმანათლებლო დაწესებულება, რომელიც მხარს უჭერს ინდივიდუალიზმსა და კრეატიულობას, მაგრამ ამასთანავე არის მომთხოვნი და გამოწვევებით სავსე, რაც აუცილებელია ადამიანის მუდმივი განვითარებისთვის.
