ალტე უნივერსიტეტის სამაგისტრო პროგრამები განვითარებასა და ხარისხიან განათლებაზე ორიენტირებულ მაგისტრანტებს აერთიანებს. სამართლისა და ბიზნესის პროგრამების ფარგლებში სტუდენტებს შესაძლებლობა აქვთ, გაიზიარონ სფეროში წარმატებული, საერთაშორისო გამოცდილების მქონე პრაქტიკოსი ლექტორების გამოცდილება; მიიღონ განათლება, რომელიც მორგებულია მათ ინდივიდუალურ ინტერესებზე და თანამედროვე მიდგომებს ეფუძნება; ითანამშრომლონ უნივერსიტეტის 200-მდე პარტნიორ ორგანიზაციასთან და გაზარდონ თავიანთი კონტაქტების წრე; აღიჭურვონ საჭირო ცოდნითა და უნარებით, იყვნენ კონკურენტუნარიანი პროფესიონალები და წარმატებით დასაქმდნენ როგორც ადგილობრივ, ასევე – საერთაშორისო ბაზარზე.
კერძოდ, ალტე უნივერსიტეტის სამართლის სამაგისტრო პროგრამის კურსდამთავრებულებს გამომუშავებული აქვთ იურისტის რეგულირებადი პროფესიისთვის აუცილებელი ყველა საჭირო კომპეტენცია და შრომით ბაზარზე კონკურენტუნარიანი, მაღალკვალიფიციური იურისტები ხდებიან. სტუდენტებსა და კურსდამთავრებულებს, რომელთაც საკუთარი იურიდიული კომპანიის შექმნა სურთ, უნივერსიტეტის ბაზაზე დაფუძნებული “ინოვაციებისა და მეწარმეობის ცენტრის” სერვისების დახმარებით, ეძლევათ შესაძლებლობა, დააარსონ სრულყოფილი ორგანიზაციები.
რაც შეეხება ალტე უნივერსიტეტის ბიზნესის სამაგისტრო პროგრამას, კურსდამთავრებულები, პროგრამის განმავლობაში, გამოიმუშავებენ ანტრეპრენერობისა და ლიდერობისათვის საჭირო უნარებს, რაც მათ შესაძლებლობას მისცემს, წარმატებით მართონ საკუთარი ან/და უკვე არსებული ორგანიზაციები. სტუდენტების ინიციატივების მხარდაჭერა და მათ კარიერულ წინსვლაზე ზრუნვა უნივერსიტეტის ერთ-ერთი მთავარი მიმართულებაა. სწორედ ამიტომ, მაგისტრანტებს, რომლებიც დაინტერესებულნი არიან საკუთარი ბიზნეს იდეების განხორციელებით, უნივერსიტეტის ბაზაზე შექმნილი ინოვაციებისა და მეწარმეობის ცენტრი, თავისი სერვისების გამოყენებით, დაეხმარება საჭირო რესურსების მობილიზებასა და თავიანთი იდეების რეალობად ქცევაში.
აღსანიშნავია ისიც, რომ მაგისტრანტებს, რომელთაც საერთაშორისო გამოცდილების მიღება სურთ, შესაძლებლობა აქვთ, ისარგებლონ ალტე უნივერსიტეტის მჭიდრო პარტნიორობით ევროპის, ამერიკისა და აზიის არაერთ წამყვან პროგრამასა თუ უნივერსიტეტთან (Northeastern University აშშ-ში, Lanzhouს უნივერსიტეტი ჩინეთში, Universita di Roma Tor Vergata იტალიაში, Erasmus-ის პროგრამები ევროკავშირის ქვეყნებში და სხვა).
ალტე უნივერსიტეტის სამაგისტრო პროგრამებზე წინასწარი რეგისტრაციისთვის ეწვიეთ ბმულს.
ავტორი: მარიამ მთივლიშვილი
